Сцяг цудоўнай Расіі будучыні

Што гэта ўвогуле такое?

Бела-сіне-белы сцяг — сімвал вольнай Расіі. Гэты сцяг быў прыдуманы ў інтэрнэт-супольнасці, якая выступае супраць уварвання расійскай арміі ўва Украіну. Ужо на наступны дзень пасля першага ўпамінання расіяне за мяжой выйшлі на мірныя пратэсты з бела-сіне-белым сцягам замест цяперашняга расійскага сцяга, заплямленага крывёю.

Навошта нам новы сцяг?

Бела-сіне-чырвоны сцяг, які цяпер выкарыстоўвае ўрад Расійскай Федэрацыі, стаў сімвалам крыві, вайны і агрэсіі ўва ўсім свеце. Мы, грамадзяне Расіі, якія не падтрымліваюць аўтарытарны рэжым і ваеншчыну, не можам яго выкарыстоўваць.

Чаму менавіта бела-блакітна-белы?

Ёсць некалькі прычын.

1. Новы сцяг падобны да цяперашняга расійскага сцяга, але без чырвонай паласы — сімвала вайны і крыві. Мы замянілі яе на белую, таму што мы імкнёмся да міру з Украінай і патрабуем выканання правоў чалавека ў нашай дзяржаве. Сцяг вольнай Расіі наўмысна адмаўляецца ад ваеннай экспансіі, адмаўляе гістарычныя прэтэнзіі на тэрыторыі замежных дзяржаў. У Расіі будучыні няма месца самадзяржаўю, мілітарызму, культу гвалту і крыві. Мы распачынаем новую старонку гісторыі Расіі — без культу вайны.

2. Бела-сіне-белы сцяг нагадвае сцяг Наўгародскай рэспублікі і сучасную сімволіку Вялікага Ноўгарада. Гістарычны Ноўгарад быў цэнтрам Паўночнай Русі і прэтэндуе на званне адзінай запраўднай дэмакратыі ў гісторыі Расіі.

3. Бела-сіне-белы сцяг падобны да сцяга вольнай Беларусі — бела-чырвона-белага. Мы салідарныя з народам Беларусі, які таксама змагаецца з нелегітымнай уладай.

4. Блакітная паласа была на сцягу Расіі 1991—1993 года, пакуль яе не замянілі на цёмна-сінюю.

5. Белы колер сімвалізуе мір, чысціню і разважлівасць, блакітны — праўду і справядлівасць.

6. Новы сцяг — сімвал будучай Расіі, якая не паразітуе на сімвалах мінуўшчыны. Сцяг вольнай Расіі пазбаўлены асацыяцый з імперыялізмам, мілітарызмам і аўтарытарнымі лідарамі нашай краіны.

Гэта вы што, рэжым сабраліся скідаць?

Не. Бела-сіне-белы — гэта сцяг міру і свабоды. Расіяне ўнутры нашай краіны не могуць удзельнічаць у пратэстах, не рызыкуючы даходам, спакоем, свабодай, здароўем і жыццём. Расіяне за мяжой хочуць выказаць сваю антываенную пазіцыю і выйсці пад агульным штандарам, які не выклікае асацыяцый з пуцінскім рэжымам. У ўкраінцаў ёсць сцяг Украіны, у беларусаў бела-чырвона-белы, у нас ёсць бела-сіне-белы.

І што мне цяпер з гэтым рабіць?

Выкарыстоўваць. Бярыце выявы знізу. Рабіце публікацыі ў сябе ў сацыяльных сетках. Стаўце на аватары. Дасылайце вашыя здымкі і выявы, каб яны былі апублікаваныя ў нашым Facebook і Instagram. Малюйце і друкуйце плакаты. Шыйце сцяг самі. Выходзьце з імі на мітынгі.

Дадаць сцяг на аватарку ў Твітэры

Тэлеграм-бот для аватарак з сцягам

Паставіць у профіль БСБ сардэчкі і кружкі

Хто ўсё гэта прыдумаў?

Народ. Такі сцяг прыходзіў у галаву многім людзям і прапаноўваецца як сімвал антываеннага руху. З перакладам на беларускую мову дапамог Pčv.

А якое дакладна тут адценне блакітнага/сіняга? А якія прапорцыі, які памер?

Адказу на гэтае пытанне яшчэ няма. Гэта народны сцяг. Калі ваш сцяг пазнавальны бела-блакітна-белы, гэтага дастаткова.

Я б раіў абіраць адценні значна святлейшыя, ніж цяперашні сцяг і блізкія да блакітнага колеру сцяга 1991—1993 гадоў (#088CE8), і прапорцыі блізкія да 1:2.

Напрыклад, AssezJeune раіць блакітны #0083d6 і прапорцыі 2:3.

Але ўсё на ваш выбар.

Але мне падабаецца расійскі сцяг, і я не хачу нічога мяняць!

І добра, проста не выкарыстоўвайце бела-блакітна-белы сцяг. Ці выкарыстоўвайце яго як сцяг руху супраць вайны. Гэта не праект дзяржаўнага сцяга. Гэта сімвал аб’яднання людзей.